SiggiMagg

SIS kerfin í kleinu og ástæðan ?

“If the date on the system is old (like 1970) or far out in the future (like 2010), vxconfigd core dumps.”

Ekki er nú alveg komið að þessari framtíðardagsetningu - en kvikindin hafa ekki reiknað með öðru en að 2010 væri fáranlega langt í burtu og ábyggilega nógu tryggt ártal til að nokkur væri að keyra þetta gamla útgáfu af Veritas Volume Manager - miður febrúar 2008 var víst tíminn.

Í stað þess að eiga “rólegan” dag, er ég búinn að vera að berjast við að koma kerfunum í gang á nýjan leik - sem er býsna snúið ef eina leiðin framhjá vandamálinu er að setja dagsetninguna aftur - og fram - og aftur - og muna að setja hana fram aftur … eða var það aftur fram :s

Sofna ugglaust snemma í kvöld.

ég segi þessum veikindum hér með stríð á hendur - ég er gjörsamlega orðinn full saddur af sleni, hausverk, verkjum og öðrum óværum. Hingað og ekki lengra!

Hvað má maður ganga langt í að éta vítamín, lýsi, sólhatta og hvað þessi glundur öll heita? Kíló á dag - af hverri sort ?

Vinna á morgun, badminton á eftir - sjáum hvað þessi pest segir við því.

Mér hefur ekki tekist að gera neitt vitrænt í þessari kjúklingatörn - kominn nokkrar blaðsíður áleiðis í Halldór (eftir Hannes Hólmstein) en annars legið á netinu í tilgangslausu vafri, milli þess sem ég hef mókt í verkjatöfluskýi og svefni.

Fátt situr semsagt eftir…

Mér fannst þó Össur skondinn

Nýji frændi kominn með nafn: Björn Andri Ríkarðsson

Vont að hafa misst af þessu … já og kökunum hennar Guðrúnar

Ekki er þetta búið að vera sársaukalaust að ferðast til og frá Brussel í þetta skiptið.  Seinkun frá Keflavík á fimmtudaginn olli því að ég var ekki kominn á fundinn fyrr en um hádegisbil … og að komast heim aftur ætlar að verða alveg eins - í stað þess að fljúga heim klukkan 1 verð ég sennilega að bíða til 5 eöa 6 eða ….

Súrast er vitaskuld að sitja hérna í bjórmenningunni þurrbrjósta … bíllinn bíður í stæði út á velli -læt þetta ekki gerast aftur !

Veðrið í Köben og Brussel er ívið skárra en heima, það skal viðurkennt … sól og næstum 10 stig.

Ég næ ekki að komast heim til að verða viðstaddur skírnina á litla frænda (Magnús??, Björn ?? - eða bæði???)

Ég er reyndar svo lánsamur að vera með lappann, nýja græjan er algjör snilld - og á ég eftir að verja nokkrum línum von bráðar á að lýsa henni.