SiggiMagg

Vaknaði að venju grjótsnemma.  Þennan dag byrjaði ég þó á því að fara í morgungöngu með Þóru - vorum tæpa klukkustund á ferð.  Rákumst á gamlan æskuvin minn, hann Ella, en hann var á gangi með hundana sína tvo.  Við fengum frá honum ýmis gullkorn og benti hann okkur á vefsíðuna sína ef áhugi væri fyrir því að skoða hundaeign.  Elli er nokkuð lipur við að halda dagbók sé ég á blog-síðu hans.

Fyrir hádegisfund skellti ég mér í Rúmfatalagerinn og keypti (á kostatilboði vitaskuld) nýjar sængur og kodda fyrir okkur hjónin - það verður ugglaust notalegt að leggjast í kvöld … reyndar fór Þóra eitthvað að masa um gamlar dýnur og þesslags - en ég vona að ég sofi þessi ummæli úr mér í nótt.

Seinniparturinn fór til einskis - í alltof langa og leiðinlega páskamatsinnkaupaferð.  Við munum ekki svelta - segi ekki meir !

Uppáhaldsmaturinn minn í kvöldmatinn - soðin ýsa, kartöflur, hellingur af smjöri og rúgbrauð.

Átti ágætan kvöldfund, nú er bara að finna upp á einhverju sniðugu fyrir svefninn.

Nokkuð rólegur dagur, fyrsti fyrirsjánlegi heili frídagurinn í páskafrí-inu.  Vaknaði snemma í morgun og var að “væflast” í hinu og þessu fram að hádegi.  Sótti hádegisfund og að því loknu fór ég í kaffi til gamla settsins.  Bauð þeim í leiðinni í fót eða bak á Páskadag.

Við Þóra fórum seinnipartinn í flísaleit, allt er þetta meir og minna gullhúðað - en fundum ágæta flís í Byko fyrir rúmar 1600 krónur fermetran og skelltum okkur á hana.  Þá er bara að koma þessu á - kannski páskafrí-ið verði ekkert svo mikið frí þegar upp er staðið ?

 Rakst á þetta á netinu: http://www.selffinder.net/2009/03/its-all-happening-in-dubaispectacular.html Ansi svalt

Eftir kvöldfund settist ég við tölvuræksnið - er reyndar ekki mikið ræksni, nýjasta nýtt og fínasta fínt … keyrir raunar Vista sem mörgum kann að þykja einkennilegt þegar ég á í hlut.  Mér til varnar er ég þó með Linux í VMWare og Windows XP - sem var lán, því gamli skanninn okkar er ekki studdur í Vista en virkar fínt í XP.

Sá reyndar, eftir nokkrar innskannanir, að ég verð að uppfæra skannann - eða rífa hann í spað og hreinsa undir glerið en hvort það takist giftursamlega er vitaskuld alsendis óvíst

Var á vappi fram á miðja nótt við að skoða gamlar ljósmyndir, þessi hugdetta mín að skanna inn allar gömlu myndirnar er farin að setja nokkur efasemdaský á loft …. þetta er soddann agalegur hellingur !

Hér er ein af mér frá 1987 … þarna var ég ungur og myndarlegur - nú verð ég bara að láta mér hið síðara nægja

Ég skaut líka inn einu videó-i gömlu á vefinn … við mismikla gleði aðalleikaranna

Ég hef verið að skoða ýmsa möguleika í google applications.  Margt sniðugt að finna þar, t.a.m. er hægt að blogga í google docs og uploada því þaðan á blog síðuna.  Kostur er vitaskuld m.a. sá að til verður afrit af þessum vísikornum á öðrum skipulögðum stað.
Í uppsetningunni rakst ég á þann hnökra að ef valið er (eins og mælt er með í stillingum google docs) “MoveableType” sem API þá birtist titillinn ekki á réttum stað.  Lausnin er að velja “MetaWeblog” og þá hegðar þetta sér rétt í alla staði.
Eins er ég að velta fyrir mér að taka alfarið upp PicasaWeb, en gallinn er vitaskuld sá að þarna er tæpast hægt að geyma myndir í fullum gæðum vegna kostnaðar.  En birtingarformið er ágætt, aðgengilegt er að setja inn myndir, uppfæra og laga þ.a. afritunarmálin leysir maður þá á annan hátt.
Myndavefurinn minn á PicasaWeb er: http://picasaweb.google.com/sigurdurmagnusson - þetta má svo vitaskuld einhvern daginn snyrta til

Rumskaði grjótsnemma í morgun þegar Þangi var að gera allt klárt þegar Sigrún kæmi heim.  Hún ætlaði að taka rútuna, en vegna viðskilnaðar við eina tösku þá missti hún af rútum og fóru Þóra og Þangi á eftir henni.

Þegar ég komst loksins á fætur heilsaði ég Sigrúnu og kvaddi svo mitt heimafólk, hélt til Péturs þar sem ég hélt mig eiga stutta stund eftir fyrir jólafrí - en eitthvað bættist utan á það í máli Péturs.

Var kominn heim rúmlega þrjú, hófst handa við að koma rafmagni út á svalir.  Rak augun í ótrúlegan hlut þegar ég fór að sækja efni út í skúr - var ekki kominn þessi þurslegi gerfihnattadiskur á litla þakið milli mín og nágrannahússins.  Ég var ekki par hrifinn, reyndi að segja pólverjunum að þetta ætti að fara - ég myndi aldrei samþykkja þetta á þessum stað - er í beinni línu ef ég stend og grilla á pallinum og kíki niður í bæ.  Maggi nágranni kom, nokkrar kítur - ekkert alvarlegar held ég, en hann lofaði að þetta yrði fært úr stað.

Auðvitað voru allar perurnar í seríunni ónýtar, kosta ábyggilega “arm-and-a-leg” - ef þær eru þá yfirleitt til

Var í meiralagi pirraður allan þennan dag, kom mér því þokkalega snemma í bólið.  Fyrsti dagur í reykbindindi er ekki alveg að gera sig …..

Var mættur rúmlega átta í blóðþrýstingsmælitækjagræjun.  “Venst örugglega” hugsaði ég, á að mæla á ~20 mín fresti og svo ~45 mín fresti í nótt.

Fundur um VIS málefni haldinn hjá UTL, ágætis yfirferð og stöðustatus.

Var fram á seinnipart í vinnu.

Renndi við í Húsasmiðjunni til að athuga hvort til væru perur í seríuna sem fer utan á svalirnar - auðvitað ekki.  Ákvað að renna við í fyrramálið og gá hvort þetta fáist í Byko.

Lagði mig stundarkorn þegar heim var komið.  Sigrún eldaði kjúklingarétt, alveg ágætt

Við Lára og Þangbrandur fórum í jólatrés-innkaupaferð.  Vitaskuld styrkjum við skátana og kaupum tré og blys hjá þeim.  Að venju tókst okkur ekkert sérstaklega vel að velja tré, Lára blikkaði strákflón sem snérist eins og skopparakringla í kringum okkur (magnað!) - Þóra sér þó ekki tré-ið fyrr en á Þorláksmessukvöld svo við höfum góðan tíma til að semja söguna um slæma úrvalið o.s.frv…

Fríða, Pétur og börn - ásamt Nanna og börn komu til að skera  laufabrauð.  Ég tók lítinn þátt (blandaði jú jólaölið ofan í liðið), og sötraði bara Laphroaig viskí - gaukaði nokkrum dropum ofan í Pétur, en hann sýndi mun meiri lit í útskurðinum.

Mátulega slompaður í bælið … það verður fróðlegt að vita hvort þetta hafi einhver áhrif á blóðþrýstingsmælinguna